Stöðug þróun
Loop hefur alla tíð hannað og þróað sínar vörur innanhúss í Svíþjóð og stýrir þaðan öllum framleiðsluferlum í samvinnu við hóp hönnuða og tæknifræðinga. Allar vörur eru hannaðar með þarfir veiðimanna í huga, til að hámarka afköst og notagildi. Á síðustu árum hefur fyrirtækið gengið í gegnum endurnýjun lífdaga og er nú í hröðum vexti um allan heim. Þá hefur fyrirtækið beitt sér fyrir verndun villtra laxastofna og sett aukinn þrýsting á stjórnvöld víða um heim til að tryggja tilvist tegundanna.
Í dag framleiðir fyrirtækið veiðivörur sem tengjast fluguveiði á einn eða annan hátt, s.s. einhendur, switch-stangir, tvíhendur og allar þær flugulínur sem notaðar eru við veiðar á silungi og laxi. Þá stendur félagið áfram sterkt að vígi þegar kemur að fluguveiðihjólum. Nýlega kom á markað ný fatalína fyrir veiðimenn og veiðikonur. Vöðlujakkarnir eru einhverjir þeir bestu sem fyrirfinnast, Primaloft-jakkarnir eru frábærir og veiðiskyrturnar og undirfatnaðurinn úthugsaður. Loop veiðifatnaðurinn er framleiddur í Evrópu og gerður fyrir þá allra kröfuhörðustu.