Veiðiflugur.is - Klaus Frimor til liðs við Guideline.......

 Guideline hefur gengið frá samningi við hinn reynslumikla og vinsæla danska atvinnuveiðimann Klaus Frimor . Þessi samningur tryggir enn frekar stöðu Guideline sem eins fremsta fluguveiðimerkis í Evrópu.

 

 

Klaus kemur með gríðarlega reynslu í þetta samstarf við Guideline. En frá 5 ára aldri hefur líf hans helgast af veiði. Hann er uppalin á vestur strönd Jótlands í Danmörku þar sem ár og vötn voru allstaðar fyrir ungan áhugasaman veiðimann. Og þegar hann byrjaði síðan að vinna fyrir stærstu veiðiverslun Danmerkur í byrjun níunda áratugarins lá það beinast við að hann myndi helga líf sitt fluguveiði. Sú reynsla sem hann öðlaðist í versluninni leiddi síðan til mikils kastáhuga og einnig til áhuga á vöruþróun á stöngum og línum.

 

Undanfarin tíu ár hefur Klaus m.a starfað á sumrin á Íslandi sem leiðsögumaður og sem kastkennari fyrir fólk allstaðar að úr heiminum.Yfir vetrarmánuðina hefur Klaus dvalið í Argentínu í Tierra Del Fuego sem leiðsögumaður fyrir sjóbirtingsveiðimenn og sem “camp manager” og gestgjafi í veiðihúsum þar. Hann hefur einnig gegnt lykilhlutverki í vöruþróun hjá Loop Tackle og hefur haft með hönnun að gera á sumum af vinsælustu vörum Loop í gegnum tíðina.

 

Vinnan og ástríðan fyrir veiði hafa sent Klaus um allan heim. Fyrirlestrar, kastkennslur og sýningar á Íslandi, Kúbu, Chile og Argentínu, Bandaríkjunum og Kanada ásamt því að birtast í hinum ýmsu veiðimyndum í gegnum árin

 

Leif Stavmo Yfirhönnuður Guideline:

“ Ég er yfir mig ánægður með þennan samning. Ég hef fylgst með Klaus í bransanum og dáðst að hæfni hans. Hann er frábær persónuleiki með afslappaða framkomu. Hann hefur náð að sameina hæfni sína í bransanum en njóta jafnframt þess að veiða og ferðast til fegurstu staða heims.

 

Klaus og veiði eru eitt og þar kemur hæfni hans á hönnun á stöngum og línum best fram, enda byggð á reynslu hans sem atvinnuveiðimanns.

 

Á næstu árum mun þessi reynsla skila okkur nýjum og spennandi hlutum í hönnun á vörunum okkar og heimspekinni á bak við þær.

 

Klaus kemur með gríðarlega styrk in í hópinn sem mun enn frekar styrkja stöðu okkar og sambönd við fluguveiðimenn og verslanir í Skandinavíu, Evrópu, Bandaríkjunum og Kanada”

Klaus mun hefja störf strax og kynna stangirnar og línurnar okkar á sýningunum á Norðurlöndunum í vor.

Leif Stavmo Guideline.