Laxaflugur

Gæði og ending

Rík áhersla er lögð á gæði laxaflugna sem verslunin selur, enda ber handbragðið þess augljós merki. Krókar eru valdir af kostgæfni frá viðurkenndum framleiðendum á borð við Mustad, Kamasan og VMC. Þá hafa Veiðiflugur kappkostað að gera íslenskum fluguhnýturum hátt undir höfði og bjóða nú laxaflugur frá fjölmörgum innlendum aðilum.  

Laxaflugur eru epli og appelsínur

Þrátt fyrir að laxaflugur séu allar handhnýttar og virðist við fyrstu sýn sambærilegar, er mikilvægt að veiðimenn átti sig á því í hverju verð- og gæðamunur veiðiflugna felst. Eðli málsins samkvæmt eru gæði laxaflugna misjöfn, enda kunnátta, reynsla og þekking víða af skornum skammti. Ódýrar laxaflugur eru hnýttar á ódýra króka, því sterkir og áreiðanlegir krókar kosta sitt. Sennilega geta allir veiðimenn sammælst um að fátt sé leiðinlegra en að missa fisk ef réttist úr króknum eða hann brotnar. Þá eru ódýrar flugur eru oftar en ekki illa hnýttar, lökkun ábótavant og efnisval lélegt. Það er ekki sérlega spennandi þegar flugan raknar upp eftir nokkur köst.

Veiðiflugur bjóða aðeins upp á hágæða flugur sem hnýttar eru af framúrskarandi fluguhnýturum. Uppistaða framleiðslunnar er frá viðurkenndum fyrirtækjum þar sem hvergi er slakað á gæðum, hvorki í efnisvali eða hnýtingu. Það er því engin tilviljun að sífellt fleiri veiðimenn kjósi Veiðiflugur þegar kemur að laxaflugum.